Porteta:
-
Dau que tot Animal poseye dreitos.
-
Dau que o esconoximiento e mesprezio de ditos dreitos ha conduzito e siguen conduzindo á l’ombre á cometer crimens cuentra la natura e cuentra os Animals.
-
Dau que o reconoximiento per parti d’a espezie umana d’os dreitos d’a esistenzia d’as altras espezies d’Animals constituye o fundamento d’a coesistenzia d’as espezies en o mundo.
-
Dau que l’ombre comete chenozidio e esiste a menaza de que contine comentiendo-lo.
-
Dau que o respeto d’os Animals per l’ombre ye ligato á o respeto d’os ombres entre ellos mesmos.
-
Dau que a educación debe amostrar, dende a nineza, á oserbar, acatar, respetar e amar os Animals.
Se proclama o siguién:
Articlo 1: Toz os Animals naxen iguals per a bita e tienen os mesmos dreitos á la esistenzia.
Articlo 2:
a)Tot Animal tiene dreito á o respeto.
b) L’ombre, como espezie animal, no puede acumular-se o dreito d’esterminar os altros animals u d’esplotar-los biolando ixe dreito. Tien a obligación de posar os suyos conoximientos á serbizio d’os Animals.
c)Toz os Animals tien dreito á l’atenzión, á cudiato e protezión de l’ombre.
Articlo 3:
a) Garra Animal será sometito á malos tratos ni á autos crudels.
b) Si ye menester a muerte d’un Animal, ista caldrá que siga instantania, indolora e no cheneradora d’angunia.
Articlo 4:
a) Tot Animal pertenezién á una espezie salbache tien dreito á bibir libre en o suyo ambián natural, terrestre, aerio u acuatico, e á reproduzir-se.
b) Tota privación de libertat, mesmo ixa que tienga fines educatibos, ye contraria á ixe dreito.
Articlo 5:
a) Tot Animal pertenezién á una espezie que biba tradizionalmén en o entorno umano, tien dreito á bibir e á crexer en ritmo e condizions de bita e de libertat que sigan propias d’a suya espezie.
b) Tota modificazión de dito ritmo u ditas condizions que fuese imposata per l’ombre con fins mercantils ye contraria á ixe dreito.
Articlo 6: Tot Animal que l’ombre ha eslexito como compañero tien dreito á que la durada d’a suya bita siga á conforme d’a suya lonchebidat natural.
Articlo 7: Tot Animal de treballo tien dreito á una limitación razonable d’o tiempo e intensidat d’o treballo, á una alimentación reparadora e á reposo.
Articlo 8:
a) A esperimentazión animal que implique un sufrimiento fisico u psicolochico ye incompatible con os dreitos de l’animal, igual si se trata d’esperimentos medicos, científicos, comerzials, como tota altra forma d’esperimentazión.
b) As teunicas alternatibas deben estar utilizatas e desarrollatas.
Articlo 9: Cuan un Animal ye criato ta l’alimentazión, be d’estar nutrito, instalato e transportato, asinas como sacrificato, sin que ixo resulte ta el motibo d’ansiedad u dolor.
Articlo 10:
a) Garra Animal be de ser esplotato ta disfrute de l’ombre.
b) As esibizions d’animals e os espeutaclos que se sirben d’Animals son incompatibles con a dignidat de l’animal
Articlo 11: Tot auto que implique a muerte d’un Animal sinse menester ye un biozidio, ye dezir, un crimen cuentra la bita.
Articlo 12:
a) Tot auto que implique a muerte d’un gran numbro d’animals ye uin chenozidio, ye dezir, un crimen cuentra la espezie.
b) A contaminación e a destruzión de l’ambién natural, menan enta lo chenozidio.
Articlo13:
a) Un Animal muerto be d’estar tratato con respeto.
b) Cal pribar en o zine e a telebisión as escenas de biolenzia en as cualas os animals sigan bitimas, fueras de que en tiengan a fin d’amostrar os atentatos cuentra os dreitos de l’Animal.
Articlo14:
a) Os organismos de protezión e salbagarda d’os Animals deben estar representatos á ran gubernamental.
b) Os dreitos de l’Animal cal que sigan esfenditos per lai, igual como lo son os dreitos de l’ombre.
A declarazión, proclamata o 15 d’Otubre de 1978, fue aprebata per a Organizazión d’as Nazions Unitas ta l’Educazión, a Zenzia e a Cultura(UNESCO) e dimpués per a Organizazión d’as Nazions Unitas(ONU)
No hay comentarios:
Publicar un comentario