por axencia
Cartaz das festas en Muíños
O Concello de Muíños ignora á veciñanza que protesta pola supresión
dunha praza de médico pero subsidiará un espectáculo taurino o vindeiro
mes de Agosto. O organizador é o mesmo empresario que “perdeu” 8000€ nas
touradas de Sarria.
A amplitude de miras do Partido
Popular tamén terá a súa versión local no municipio de Muíños. Esta
pequena vila de pouco máis de 1700 habitantes subsidiará un festexo
taurino con forcados, toureiros e rexoneo instalando unha praza portátil
que case duplica a poboación do municipio. A idea do equipo de goberno
non está exenta de polémica, pois o pasado mes de Febreiro saía nos
medios convencionais (http://www.ir.gl/ec106d)
a recolla de sinaturas dun grupo de veciños da vila que protestaban
pola supresión dunha das dúas prazas médicas do Centro de Saúde. O
propio municipio carece de oficina de Correos, aspecto que non parece
importar ao Concello.
Sen embargo a financiación de touradas
durante os últimos anos, de “stripteases” nas festas da vila e mesmo de
espectáculos que atentaban contra a dignidade (http://www.ir.gl/15cc28) como as “danzas dos enanos” se están a convertir na tónica xeral da programación festiva en Muíños.
Dende Galicia, Mellor Sen
Touradas subliñan que o empresario encargado da organización das
touradas en 2013 é o mesmo que xa perdeu miles de euros nos últimos
festexos de Sarria, unhas perdas asumidas polo propio consistorio, tamén
gobernado polo PP. Só en 2012 nun día reflectíronse máis de 8000€ de
saldo negativo.
Os abolicionistas cuestionan as
prioridades do PP, que prefire adicar cartos á promoción da tortura e do
maltrato animal no canto de financiar servizos básicos. Un festexo
taurino en Muíños pode chegar a custar 50.000€, o que supón un custo por
veciño de 28€.
No hay comentarios:
Publicar un comentario